بقلم الشاعر / تامر عساكر
يامركب...
علي فين رايحه...
لشراع نافع ...
ولا دفه.....
رجلينا ف الطين....
عاجزه ....
وصدورنا من الزق ...
بتتكفي. ...
وعيونا بتبكي....
للمولى. ...
أبو قردان ....
بصفي لونه بيضر. ...
زي المعسول ....
بكلامه يغر.. ....
والناس طافحه ....
وعميانا. ....
م الشقي والمر.....
قال تغيير ...
وبكره يصير
والميه هتبقي بمعايير....
طيب والحل؟....
هانشرب خل ولا نطير...
فواتير زادت ..
بكل المقاييس....
وعتريس بيدق
المتاريس.....
وانام واصحي....
م الكوابيس.....
أمل ف الكابوس
بيستغيث
واقري التعويذه وادعك
فوانيس....
أشوف
شيطان خسيس. ....
عصابه سارقه دمنا
وأرض محروقه زينا.....
جاعت واشتاقت....
للميه والفاس......
والفلاح
دبحه الإفلاس. ....
ياريتها ما كانت .....
قامت م الأساس
قسمو التركه ....
وباعوها
لاأصنافهم ....
زوقوها
بالفستان الخمري ..
والمعازيم خدروهم. ....
وبالحبل بيشنقوهم....
ورجلينا ف الطين....
بقالها سنين....
بتنبح يامعين. .....
بقلم / تامر عساكر
ليست هناك تعليقات:
إرسال تعليق