مين غيرك يا تاريخ بقلم الشاعر اكرامى ادريس الجمل
مين اللي غيرك يا تاريخ
مين اللي خلي امريكا
وأخواتها يكونوا فوق
وخلانا بنتوحد عشان
ننزل ونلبس طوق
تسوق هي بهمجية
واحنا بس هات يا صريخ
مين اللي غيرك يا تاريخ
ومين خلي شياطينهم ب تغوينا
ونفرح لما نيرانهم ب تكوينا
ندوس علي بعض وبننسي
اننا واحد بنعبد ربنا الواحد
ونفضي بس للتوبيخ
مين اللي غيرك يا طريق
مين اللي شتت اللمة
بقت أمة بلا وحدة
نحاسب بعض ع الواحدة
ولا جنينا سوي التفريق
مين اللي غيرك يا طريق
مين اللي قوام نسي التقاليد
ورحنا نمشي ع الموضة
سنين سودة فصلنا
كل ايد عن ايد
ودورهم هما يبتدعوا
ودورنا احنا ف التطبيق
