..... إنت اللي إشتكيت ......بقلم الشاعر / حسن الشوان
عشان مسألتش عليك مره
تشتكيني لكل النـــاس
وتقول انا خنت العشرة
و كلامك ملهش اساس
مره من نفسي ومش بقصد
كتير مسألتــش وكنت بتعند
لو كنت ذيك كنت نسيتك
وأنسي أني كمان حبيتك
وكنت قلت إن حياتك مره
ولكل البشر كنت إشتكيتك
بس بعد اللي قلته بقولهالك
كل عمايلك انا شايلهالك
وأخر مره متسألش عليا
وانت اللي إشتــــكيت
ولو فكرت تغفل عن عينيا
يبقي من حبك انتهيت
لأني إتحملت نسيانك ليا
ومن أعذارك انا مليت
لا تبقي دايما شاعر بيا
ومتفتكرش إني نسيت
انت كتير مسألتش فيا
والمرادي مفيهاش ياريت
..................................................
.......... إحساس/ حسـن الشـوان .........
ليست هناك تعليقات:
إرسال تعليق