مجرد احساس بقلم الشاعر / اكرامى ادريس الجمل
ب آهة ناي وصرخة صوت
ل حلمي اللي بعيد مسروق
بقلب ضعيف
بينبض ب الحياة متحاط
بغيمة زيف
وفاقد وعي مش عارف
ل نفسه يفوق
وشوش بتروح
وغيرها بتيجي ومعاها
ضمير مدبوح
ودم العقل بيفارق
ملهش عروق
سكك مرسومة والناس
خايفة من بكره ومهمومة
وسيف الصدق ف زمنا
اسير مخنوق
وطاقة خير انا شايفها
ولكن تحتها شايف
كمان فيه بير
وقفل كبير علي صندوق
ليست هناك تعليقات:
إرسال تعليق