ابتسامات شعريه بقلم الشاعر /حمدى الليثى
انت عايز تبقى شاعر ما توجدش
انت عايز تبقى اكس بريس ولنش
قول كلام مابيتفهمش
شيل طعامه وحط دبش
خلى اصل البحر ترعه
حط زهره فى وسط لبش
انت عايز تبقى شاعر ماتوجدش
حط صورة واحده هايفه
ولا كرديشيان وهايفه
تبقى بجحه وعامله خايفه
واحكى عنها كلام ماكانش
انت عايز تبقى شاعر ما توجدش
ارضى بعض الناس تسيبك
دارى عيبها يدارو عيبك
تبقى طايقه وقول حبيبك
يبقى برعى وقول ياوحش
انت عايز تبقى شاعر ماتوجدش
اسرق ارغى فى شغل غيرك
وارمى نصه و قول ماعادش
ليست هناك تعليقات:
إرسال تعليق