وانا راجعه بقلم الشاعرة / دولت مختار السيسى
وانا راجعه و في السكة
حلفت م انام
جمعت حروف كانت فكه
مسكت اوراقي و الاقلام
في افكاري قامت عاركه
لكن ملقيتش عندي كلام
رسمت قلبي بجروحه
وورده جنبه دبلانه
وصوت صمتي يقول يا نا
من الايام
في طريقي لقيت شجرة
حفرت بايدي انا حفرة
دفنت القلب و الورده
و قولت خلاص مفيش فايده
مدام قلبك مهوش فاكر
و ضاعت مننا الضحكه
و انا راجعه بقولهالك
دفنت انا قلبي في السكة
----------------------
حضرت الدفنه و الخرجه
و من قلبك خلاص خارجه
مترجعليش تقول نادم
هواك دخان خراب عادم
حروفك ياما شغلتني
و بكتني و هدتني
و في الاخر تقول ظالمه
نويت اعمل عزا لحبك
واجيب مطرب و اجيب عالمه
هنايلك بئه الافراح
حسيب قلبك سداح مداح
------------------------
حياتك زاويه معووجه
و مدروجه في بند الياس
معاك العيشه محووجه
انا صابني معاك النحس
رميت قلبي كسرت النفس
طويت المي و فهمت الدرس
حسيبك عيش في اوهامك
تدور الدايره في ظلامك
كلامك زاوية منفرجه
حروفك كلها بالعكس
* دوللي السيسي *
ليست هناك تعليقات:
إرسال تعليق