شكر واجب للشاعر / اكرامى ادريس الجمل
دا سلام وتحية يا سياحة
واخدانا معاكى ب الراحة
ووزيرك راجل متحضر
للغرب حضارة بيصدر
رقص الرجالة متصدر
اعلى ايرادتنا على الساحة
شكرا ل وزيرك يا سياحة
يلا يا مصر قوام غطينى
دارى العار اللي علي جبينى
شفت الهز يا ناس وب عينى
خايف بكره يمكن يجي
وقت ونرقص ب البكينى
ب تذاكر مجانى مباحة
شكرا ل وزيرك يا سياحة
بكره الناس تضحك على جهلى
وكلام نقد هيتوجهلي
يا وزارة قادرة وعفية
حولتي الراجل ل ولية
دوبلوماسيتك فورى متاحة
شكرا ل وزيرك يا سياحة
والله جديدة دايما بنقلد امريكا
دلوقتي احنا اللي هنتقلد
اوسمة على رقص ومزيكا
بقى دي الموضة
يا سنين سودة
قنن لينا كل بجاحة
شكرا ل وزيرك يا سياحة
ليست هناك تعليقات:
إرسال تعليق