ياواش_ياواش بقلم الشاعر / اكرامى ادريس الجمل
ماشيه السنين قدام عينيا
مشفتهاش
سكينه سارقاني وقلبي
محسهاش
وحاجات كتير عدت عليا
معشتهاش
لاكان فيه حاجه تهمني
ولا شئ شغلني وشدني
مات الملك اوحتي عاش
الموجه عاليه او قويه
مخفتهاش
احلم بحاجه لنفسي
طيب لأ بلاش
ياما جات عليا الناس
وبرضو ملمتهاش
امسك على الفرصه
وايديا مسايبهاش
كلمه ومحشوره فلساني
مقلتهاش
ليله انام مرتاحها والنوم
ليه مجاش
وبعد كل الصبر دا
اسمع كلام من دا ودا
بكره هكيد كل العدا
ويا واش ياواش
رغم اني ماشي سكتي
وشايف طشاش
والموج بيعلي بمركبي
ومهزهاش
وحبيبه ساكنه في الخيال
ما قابلتهاش
والحلم جوايا بيكبر
ما انتهاش
لسه الامل موجود
وحاسس بانتعاش
ليست هناك تعليقات:
إرسال تعليق