بقلم الشاعر / اسامة وادى
بتنفسك
بتنفسك
لسه بحب فيك فرحى
لسه بحب فيك عشقى
لسه بحلم معاك ببكره
عارفه إنه ......خلاص وذكرى
لكن عايشه بيك أحلم
لسه شايفاك و لسه برسم
فاكره حتى كل كلمه
كل لمسه وكل حاجه
جت فى مرة عليها ايدك
او حتى لمحتها عينك
لسه بتنفس هواك
عايشه هنا والروح معاك
بحلم كثير ببكره
رغم إنه كان وذكرى
أصل الحكايه مش حب راح
ولا بقلب فى الجراح
سيبنى أحلم ........ده المتاح
لسه روحك فى كثير أماكن
معلم فيها الشوق وساكن
ودايما بحكى فى اللى فات
تواريخ كثير وذكريات
عارفه مش هعيشها ثانى
بس بيك مفكرانى
بكل حاجه حلوة كانت
او كلمه مُره مَره إتقالت
وأرجع أقول
لسه روحى عشقاك
وهاأفضل أتنفس هواك
اسامه وادى
ليست هناك تعليقات:
إرسال تعليق