الشاعر حسن ابو الفتوح
عشقك وطن
========
ادتني يا وطن ما خدتش
كان غالي التمن وما تعدش
ومستعد ادفع من تاني
ان كان في السداد حتكون راحتك
مقدم روحي في اكفاني
تيريء في يوم الخلاص ساحتك
من هم شيلته كتير علي اكتافك
ولا ايد اتمدت قالت عنك
حمل الشيله لتكلها كتافك
ولا بان من هون عليك همك
نهشه اسنانهم في لحومك
واللحم مر يسممهم
طفحوا الكوته وعدومك
بذل سكوت خوفه كممهم
بكره تعود واحسن من الاول
واللي باعك ينباع ذليل سوقك
وخفافيش الظلام تتحول
رماد محروق حارقه سطوع نورك
وفي عرك ينعموا ولادك فيك
ويطيب الامل جوه احضانك
وترهر وردتك ويكون شاريك
من عيونا فجر طالع عشانك
صادق لسان وجدان عشقك وطن
صدري عنك يحوش سهم العدا
يا اعر واغلي حب وسكن
كلنا يا وطن دايما فدا
الشاعر \ حسن ابو الفتوح
13 \ 7 \ 2015
6 \ 9
ليست هناك تعليقات:
إرسال تعليق