* بحب بكل معاني الحرف *
بقلم الشاعرة / دولت مختار السيسى
بحبك حب غريب و عجيب
رقاك في عيني سماك حبيب
خلاك شقيق و صديق و قريب
فاق الحدود عدي السدود
خضر صحاري ملاها ورود
بحب بكل معاني الحب
بحبك من غير استثناء
و شايله قلبي علي كفي
و بابجدية حاء و باء
و خالقه قوتي من ضعفي
بحب بكل معاني الحرف
كسرت قواعد نحو و صرف
واصل موصول فاعل مفعول
اما الفراق ممنوع م الصرف
خبر غايب لكن سايب
في قلبي و روحي علامة وصل
معاك حسيت سكون اليل
و الضمة رحمه لقلب عليل
انا معاك تلميذه في فصل
فاعل ساكن في نن العين
و حرف جر شاددني لفين
حب ب ضمير مابين حرفين
انا و انت نعيش الوصل
انت الذي و انا اللتي
عشقاك بروحي و مهجتي
واخده معاك حريتي
و عاجبني كلك اسم و فعل
بحب بكل معاني الكلمة
و عشقي من صبر و حكمة
مش كروته ده حب بذمة
و ساعات بيبقي جنون او خرف
بحب بكل معاني الحرف
بحبك مش بسريه
و ناشره هواك
اعلان في جريدة رسميه
و صورتي معاك
شايفه نجوم ملاليه
و طايره ف سماك
ضد قانون الجاذبيه
انا بهواك
* دوللي السيسي *
ليست هناك تعليقات:
إرسال تعليق