حواء بقلم الشاعرة / هدى مشاق
نزل عشانها القمر
يتغذى من نورها
غنى لها غنوة وامر
يغزل مفاتنها
والورد من حسنها
خد لونه من خدها
عار الربيع منها
من شدة محاسنها
يا ضلع من ادم
مخلوقة من طينه
يا نبت بنى ادم
يا تاج وبيزينه
الجمال عنوانه حواء
فى الطبع
بيكون الغالب
معنى الجمال
يعنى الاخلاق
مش فى الملامح
فى الغالب
يعنى ذكاءها ف التفكير
وف الوجود
كان ليها تأثير
وحنانها جوا القلب كبير
وعطفها دايما غالب
ليست هناك تعليقات:
إرسال تعليق