***خلي بالك م الوطن**هدى مشاق
---------------------------------
وانت بتلبى الندا
وتبقى جندى من الجنود
عايزاك رصاصة للعدا
قطعة بارود فوق الحدود
وف الميدان اوعاك تخاف
ارهاب جبان
او صوت شيطان
مجرم خسيس
بكلام رخيص
مالوش تمن
م اللى بيثير الفتن
خلّى بالك م الوطن
ارضك امانة بين ايديك
اوعى ف يوم تهون عليك
حمايتها دين واجب عليك
طهر ترابها م العفن
خلى بالك م الوطن
مصر عاشت عمرها
ملكة بتاريخها ومجدها
احفظ كيانها وامنها
وصون حياتها وعرضها
وافتكر دم الشهيد
اللى اتروى بيه ارضها
وافتكر ان الشهادة
اعلى درجات العبادة
وبعدها جنة عدن
خلى بالك م الوطن
ليست هناك تعليقات:
إرسال تعليق