جو الخمسينات
. __________
وبعيش وياك حاﻻت
ف جو الخمسينات
بينى وبينك حكاية
لحظة ما شوف عينيك
بشوفك
وانت ﻻبس طربوشك
وف ايديك
منشة ووردة حمرا
بتزين بدلتك
تلمحنى عينيك بنظرة
و ادوب من نظرتك
وكل يوم اشوفك
واقف على ناصيتى
تستنى طلتى
ولحظة لما اطل
ترمينى بفرع فل
استغرب جرأتك
وجراءة نظرتك
و اﻻقينى ﻻبسة يشمك
وانت بتغمز برمشك
وابص عليك بخوف
مقتولة م الكسوف
يبدأ جوايا حبك
يرسم ف عيونى صورتك
ينقش ف القلب وشمك
بقلمى هدى مشاق
ليست هناك تعليقات:
إرسال تعليق