( وحشتيني)
وحشتينى ياروحى وعمرى وسنينى
وحشتينى يا نبض القلب وحنينى
ياعمرى الجاى والحاضر
وكل مانبعد اقول حاضر
مسير العمر يجمعنا
والدنيا تنسينا وجعنا
لا قولت نسيت ولا هنسا
الحب اللى كان مجمعنا
اوعى تكونى نسيتينى
طب فكره حبى وحنينى
او حسه باللى كان فيه
ولا خلاص نسيتينى
حببتى
بجد
وحشتينى
حببتي بتٱلم
من زمان نفسي اتكلم
اقولك عاللي وحشني فيكي
واسرح في بحور عنيكي
واعيش طول عمري جنبك
بحبك
ولسه ملهوف عليكي
انا ابيع العمر كله
لما ابيعك انتي ياروحي
لما اعيش تنزف جروحي
لما اتوه وسط الاهات
لما اقول العمر ملكي
لما اهدم من سكات
اوعى تكوني عني فكره
ان الماضي كله مات
لا ياعمري
طب مانتي عمري
وانتي انتي الذكريات
حسا بيه ايه اللي فيا
غصب عنى كنت ساكت
كنت قافل بقى كاتم
عاللي فيه من سكات
حسا ايه
شيفه ايه
شيفه قلبى اللى انكسر
شيفه عمرى اللى اندثر
شيفه شكلى
شيفه رسمى
شيفه قلبى اللى اتحرق
شيفه عمرى اللى اتسرق
ولا قولى شيفه ايه
حبي ليكى ده شكله ايه
حب مال ما كنت سبتك
حب عشره كنت عشرتك
حب ملك كنت امتلكتك
يبقى فاضل حب ايه
قولى انتى حسا ايه
نفسى اسمعك
احس بيكى وارجعك
عن طريق الموت يا روحى
مانتى عندى كل روحى
عالعموم انا قلبى ليكى
عمرى فيكى
من زمان وانا شريكى
مش نسيكى
مش هعيش غير بس ليكى
مش هكون غير حبك انتى
بس فى حب امتلاك
ليست هناك تعليقات:
إرسال تعليق