(حوار مع جزار )
****************************************************************************
ناس ترميها
وكل مافيها
انها مش مطبوخة سوتيه
ناس تلاقيها
اخر امانيها
يتخيلها طبق ف ايديـــه
هى اللحمة
وقلة رحمه
م اللى بايعها ابن الايـــه
باع ف ضميره
وكان تبريره
انها قبل الدبح يابيـــــــه
سعرهـاغالى
وقدرها عالى
والجزار راح يعمل ايه
هو حرام
جزار يتمتع
بالعربية قزازها فاميه
وكمان حرم
الحاج كوارع
مش عايزة الفستان سواريه
وكمان عايزة
تذاكر حفلة
ف اكبر سينما تكون ماتينيه
حسيت انى
نزلت فرنسا
والصبيان واقفين حواليه
قال انا ياابنى
جبرت الشارى
كل زبون بتجيبه رجليه
فيهاايه يعنى
لما الكيـــلو
مبينزلش ف سعره جنيه
تمانين الا
بريزة يحنن
اكتر يبقى اسم الله عليه
قلت له فيه
تسعيرة وحكومة
قالى الباشا كسرت عينيه
خد من عندى
الوجبة وروح
وزمان اكله ياباشا بانيه
قلت مفيش غير انى اقاطع
بس لوحدى انا هاعمل ايه
طيب بس يتيم ايه ذنبه
قلى اكيد هيقولوا على جنبه
نفسه طبيعى عزيزة عليه
ياسر التونى
ليست هناك تعليقات:
إرسال تعليق