لهجة صعيدى حالة للشاعر تامر محمود

(لهجه صعيدي)
((حالــــــــــــــــــــــــــــــــــــــــــــــــــــــــــــــــــــــــــــــــــــــه))

تايه في بحر الهوا رحاله ................. ملقتش شط عليه أرسى
تبحر سفينتي والبحور قلابه ............. مستني تغرق او تلاقي مرسى
حتى لقيتك يادي الفنار بادي ............ بشموخ وسط الموج عليا بتنادي
إحسب خطاوي البحر بالعقده ............. عشان توصلي تحتاج كام خطوه
أنا إللي خدت البحر بقياسي .......... وغبت بالايام عن صحبي وعن ناسي
فاكر كل واحـــــــــــد فيكم ............... وعمري للغاليين ما كنت ناسي
هفضل أبوح بحبــــــــــكم .................... وانادي بصوتي واحساسي
أهل المحبه هتلاقي مكانهم .............. جوه العيون وتاج على راسي
إكتب يا خال انا شايف فيك نفسي .......... وكل شيء كتبته لقيته جوايا
حتى قصة عشقي عشقتها معايا .............. كتبتها بالريشه والدوايـــــــه
ولحنتها بالناي وغنتها عالربابه .......................... من أول يا عين يا ليل
ولاخـــــــــــــــــر كلامي وغنايا .................. عاشق ياهووو ومغرم صبابه
........................................................................................