قصيده بعنوان ((((((( انا الهايم ))))))) شعر تامر ابوهيبه
انا المفتون انا المجنون
انا الهايم فى اوصافك
ومن كتر الولاء بجنون
انا عمرى فدا ترابك
نادرها خلاص على نفسى
وهبت العمر لحسابك
يامالكه بالحنان امرى
انا المخلص فى طلابك
انا ياحلوة الحلوين
انا عاشق هوى دروبك
ومخلص فى هوايا واصون
ترابك وارضى بعيوبك
لانك دنيتى والكون
وانا فى الاصل محبوبك
بحبك من بداية العمر
وتوبى اصله من توبك
وبكبر بيكى ياغاليه
بعفه وخفه محسوبك
حابب لونك ومن كونك
كبيره مقام فى مدلولك
مابين الاخوه والخلان
كبيره يامصر من يومك
وطينى برضو ياغاليه
وطينى يامصر من طينك
انا المفتون انا المجنون
انا الهايم فى اوصافك
شعر \ تامرابوهيبه
ليست هناك تعليقات:
إرسال تعليق