انا خايف للشاعر علاء الجمالى

ومع ذلك .. ساعات بحس اني انا خايف
ان الحاجات قدامي .. ومانيش شايف
اقول يمكن سيرك
او يمكن حقيقة .. بتبانلي طرايف
مش عارف
ساعات الصبح الطريق .. سراب زايف
والدنيا مجموعة لفايف
شجر مات
وانا تالف
وبني ادم
علي ألرزق طايف
ان عطش
يشوف النجوم قطايف
فليه انا ماكونش
عقلي هو ال هايف
بيتهيألي حاجات
كمصايف
اهرول وانسي
الفقر
ومنساش
نشفان الشفايف
انا خايف
يجي عليا يوم
اكون سالف
ويقولوا عن لقمتي
اني مخالف
وان جعت
اتشال ع الكتايف