( شايفك )
ف عينيا الأمل المنشود
وأنتي الأوتار للعود
وأنا عايش
على ضي الذكرى
وأحلامنا مأجلها لبكرة
ومستني اليوم الموعود
وأصالح بيكي أيامي ..!!
وتشيلي الآه من أحلامي
وأنتي ساكنة ف أحلامي
لساكي الوحي لإلهامي
حتى النسمة أما تعدي
على خدك السهران وتهدي
أوقاتي تحلى بعيونك
وصعب الحياة من دونك
يا حب عمري ما هخونك
هصون القلب وهصونك
ولو على الحب ما هفرط
ولو بإيدي أحبك أكتر
وأزرع بيكي الحياة سكر
وتبقى ورد وعنبر
وفل وياسمين
وأقول فيك شوفت الحنين
ولو غيبت ف ليلة عني
أو حسيت إنك سايبني
يحرم عليك تجرح قلبي
ويعيش وحداني
وإسمك وملامحك .. دقاته
إزاي هيعيش بعدك تاني ؟
إزاي هيعيش ...؟
وشكرآ
ليست هناك تعليقات:
إرسال تعليق