حنانك
جنانك
ولدغة لسانك
عتابك
صحابك
وحتى اللى خانك
عيونك
شجونك
وكل اللى صانك
دموعك
رجوعك
وضامن مكانك
وسهرك بطول الليالى حزين
وعايز تفضفض تفضفض لمين
ونفسك تهنكر لكنك رزين
وكل اللى يبكى تفكر عشانك
حنانك جنانك ولدغة لسانك
....
حياتك مجرد شوية حاجات
وتهرب ف قلب المواجع تبات
وعايش ف دور المغفل ساعات
وسامع شتيمتك بعضمة ودانك
حنانك جنانك ولدغة لسانك
............
وعايش ف طل الهجير والعفار
محاصرك انينك وسوء لاختيار
ودمعك محدش عامله اعتبار
ودور المهرج ملخبط كيانك
حنانك جنانك ولدغة لسانك
.........................
عمده
ليست هناك تعليقات:
إرسال تعليق