عنيكى للشاعر صابر سالم

عنيكى صرخة طفل وليد
بتاخدنى معاها لحلم جديد
عنيكى شمس طالعة بكره
دا شئ اكيد
عنيكى صرخة فى سكاتى
واجمل ضحكة فى حياتى
وبهجة عيد
احلامى فيها ممدودة
بطول الكون
وفين ما بكون
لو حتى بعيد
رموشها أبداً مش جارحة
ومعاها بحس بالفرحة
وقلبى سعيد
جواها حلى وترحالى
ولون عسلها بيحلالى
ولما يخطر على بالى
حلاوته تزيد
عنيكى شطى ومرسايا
عنيكى ساكنة جوايا
امل ونشيد
دى عنيكى صرخة طفل وليد
صابر سالم