الشاعرة / إيزيس غانم تكتب الكيان المشروخ

مبقتش انا القطه...

اللى كانت بتتمسّح

على صدر قميصك المفتوح..

ولا أنا العاشقه ..

اللى كان عشقك...

ف قارورة عطرها بيفوح..!!

فاجئتنى ..رجولتك الباكيه..

وعزة نفسك الشاكيه..

فاجئنى..كيانك المشروخ..

وشوفت رجولتك ...

المدبوحه بين إيدها ..

لعنت الدابحه ..والمدبوح..!!

ولعنت القلب ..

اللى كان عشقك

جوه نبضه الروح...

ودبحت قطتى فيّا..

عشان متعودش تتمسّح..

على صدر قميصك المفتوح...!!

......................................

قصيدة \\ الكيان المشروخ..

من ديوانى الأول ( هلع الخوف )

كلماتى \ إيزيس غانم