........................... اكدب عليا .................................
اكدب عليا الكدب ارحم م الصراحه
وغش قلبى بس سيبه يعيش ف راحه
مثل لى دور المخلصين دور السماحه
واعمل لى نفسك ف البعاد بتخاف عليا
اكدب عليا
.....................
اكدب عليا ف الهوى دى احلى كدبه
زور لى اسمك وسط اسماء الاحبه
بالكدب داوى لى جراحى حبه حبه
دا الصدق جارح سكن الدمع ف عنيا
اكدب عليا
..............................
اكدب عليا يا حبيبى وقول حبيبى
واعمل لى انك منكوى من نار لهيبى
وانى نصيبك زى مانا وخدك نصيبى
انا ناوى اصدق كدبتك والمسرحيه
اكدب عليا
...............
اكدب عليا دى الصراحه ساعات بتجرح
والكدب خلى الامنيات ف القلب تفرح
اكدب وخلى للهنا ف الدنيا مطرح
اوعاك تصارح بكفياك ظلم واسيه
اكدب عليا
عمده
ليست هناك تعليقات:
إرسال تعليق