مقلة لب
***********
فكر معايا ياصاحبى
واحسبها كده كويس
وتعالا معايا نتفاهم
وبص لحالى لما بحب
ساعتها بس برضى اكون ....انا عامل زى مقله لب
بشيل حبيبى ف عيونى
وبضفر عليه بشعرى
واكتبله كمان شعرى
كلام... م اللى جوا القلب
ساعتها بس برضى اكون ....انا عامل زى مقله لب
ويجى هو ينسانى
ويشوفله حبيب تانى
يقضى الليل وفيه يناجى
يلاغى فيه وقال بيحب
ساعتها بس برضى اكون ....انا عامل زى مقله لب
ويجيلى ويحكى عليه
وانا اقعد واسمع ليه
منا صاحبه وهاعمل ايه
اكيد ﻻزم منا اللى قبلت
ساعتها بس برضى اكون ....انا عامل زى مقله لب
واول ما الحبيب يرجع
يلم حياته .. ليه يركع
وارجع تانى اتوجع
واستحمل قساوة القلب
ساعتها بس برضى اكون ....انا عامل زى مقله لب
وادى القصه ياساده
اكيد شوفتوها كالعاده
صاحب النهارده حبيب
وبكره قساوته بزياده
ساعتها بس برضى اكون ....انا عامل زى مقله لب
هاتعمل ايه مع صحابك
هاتسندهم فى وقت الضيق
او تقفل فيوم بابك
وتقول خلاص كده بطلت
مش هاقبل تانى انى اكون ...انا ابقى زى مقله لب
ليست هناك تعليقات:
إرسال تعليق