مصر بتفرح
الف مشاالله عليكي يا بلدي
و الله و عشنا و شوفنا الخير
رزق و جاي لبنتي و ولدي
فرحه كبيره و نصر كبير
كلمه و قالها كبيرنا تحدي
و كنا في شده و حالنا عسير
قال من عسر ليسر نعدي
مصر امانه و عايزه ضمير
يسلم حسه و سيلم عمره
شايل حمل و حامي مصير
****************
الف تحيه و الف سلام
للي بايده شق قناه
داس ع الصعب و طوي ليام
وهب الشعب ده الف حياه
الف تحيه لجندي همام
شايل عمره و روحه ف كفه
حالف ما يغمض و ينام
و زمايله يوماتي بيتلفو
و نكفنهم بالاعلام
للجنه الشهدا بيتزفو
**************
الف ميت مبروك يا بهيه
يا ام العمر طويل و مديد
رايتك عاليه حره ابيه
ارسمي بكره بحلم جديد
شقي قناة المجد الجايه
بخير هيعم يزيد و يفيض
اللي يشارك ييجي يتصور
و ال كاره يفارقنا بعيد
البوم لانتصارات حينور
صورة جديده لنصر جديد
***************
مصر الليله عروسه بطرحه
و مراكب رايحين جايين
و لبسنا خلاص توب الفرحه
واصلين الدنيا بقناتين
مصر الليله عروسه في زفه
و عريسها اجدعها رئيس
ماسك و مسيطر ع الدفه
و فرحنا ليلة الخميس
يا حبايب بينا ناخد لفه
بقي لينا قناتين سويس
* دوللي السيسي *
ليست هناك تعليقات:
إرسال تعليق